Les mots surlignés font l'objet d'une note
1Monsieur, hyer on me bailla avec une depêche de
2messieurs du pays, ung petit pacquet de vous à monseigneur
3le prince daulphin, daté dessus du Ve de ce moys, que
4ie ballis à Bazemont son secrétaire, pour l’absence de mondit
5segneur qui est à St-Germain en Laye avec le roy d’où
6ilz ne seront de retour advant le XVe. Je ne scay si
7vous avez semblablement escrit au roy, ce que ie yray voir
8(après la présente dépêche faicte par laquelle i’envoye
9la pareille à messieurs du pays) devers monsieur de Sauve.
10Lesdits seigneurs m’ont escrit n’avoir receu ma depêche
11du XXIIIe, par laquelle ie vous envoyais leur cation
12obtenue contre monsieur d’Uriage au parlement de
13ceste ville, encores que vous en ayez appoincté. Je seroy bien
14marry si ne l’aviez receue, ce que i’estime que vous
15auriez faict despuis car ie n’ay encor rien perdu par
16la voye de la poste, ainsi seroit que icelle fut
17perdue et que m’enssuis appoincté, ie auroit pourvue
18à cest inconvenient par ung extraict que i’en avois
19retenu. La royne me commanda bailler à monsieur
20de Sauve l’estat des arrerages qui vous sont deulz et
21le placet pour vous faire remettre en l’estat de IIIc livres
22pour moys. Je poursuivray ce faict du mieux qu’il
23me sera possible. J’eusse bien voulu que ledit seigneur de
24Sauve eust esté encor absent et que ce faict eust
25passé par les mains de monsieur de Villeroy. Je vous ay escrit
26par Domasset, secrétaire du receveur Lyonne. Monsieur
27de Montmorancy est en ceste cort. On dict que ceulx
28de Mons en Haynaut n’osent faire grandes sorties sur
29les Espagnolz, craignant que ceulx de la ville ne leur
30ferment les portes après, ny le duc d’Albe sortir les
31[v°] compagnies des villes pour son siège devant Mons,
32craignant semblablement que les villes ne se
33rendent après ou du parti contraire ou du moins
34maistresses de leurs murailles et portes. Voz petitz
35escholiers se portent fort bien comme faict aussi monsieur
36de La Roche. Je n’ay poinct de novelles de monsieur
37d’Ourches puis son despart en Lorrayne pour lequel
38ie suis demeuré bien vefve. Mon lougis est à la faulx
39rue St Germain de l’Auxerrois. Monsieur de La Roche
40et nous logeons porte à porte. Nous attendons bien tost
41suivant voz dernières lettres du XXVIe passé monsieur
42d’Evènes et monsieur de Laval. Je présente mes très humbles
43recommandations à votre bonne grâce, priant Dieu
44Monsieur, vous donner très longue et heureuse vie.
45De Paris, ce XIIIe jullet 1572
46Votre très, humble serviteur
47So de Boczosel